رواية صعيدى بين الجفون pdf كاملة 2023 ظلت تتأمل سمر الغرفه بفرحه شديده فرحه منعت منها منذ نعومة اظفارها وبعد رحله طويله من التأمل اسرعت سمر بالذهاب إلى الحمام لكى تستحم.
وبعد دقائق نزلت سمر بعد ما ارسلت هناء لها خادمه تخبرها أن العشاء قد وضع على السفرا وكانت سمر لاتزال في الحمام تنعم بحمام دافئ وتستمتع به في الشتاء فهى كانت تسخن المياه لكى تغتسل لان الجو بارد جدا ولكنها اول مره تستحم وتسترخى في المياه الدافئة بجسدها كله وعندما نادتها الخادمه اسرعت بالخروج وتجفيف جسدها ووضعت الفوطه حول جسدها وخرجت بعد أن ارتدت ثيابها…
ثم نزلت بسرعه ولم تجفف شعرها نظر عمار لها وهي تنزل بسرعه فأبتسم بشده على وجهها فهى يبدو عليها القلق
سمر بتوتر: انا اسفه بجد محستش بنفسى وأنا في الحمام
هناء بابتسامه: ولا يهمك يا حببتى بس إنتي منشفتيش شعرك ليه كدا هتستهوى
سمر بخجل: لاء عادى انا متعوده.
عمار بأنزعاج بسبب إهمالها: طب حطى الظعبوط على راسك علشان متسقعيش فعلت سمر ما أمرها به عمار ثم بدأت بتناول الطعام وبعد انتهائهم اسرع الخدم بتنظيف السفره فوقفت سمر وحاولت مساعدتهم ولكن عمار اعترض بشده
عمار بصرامه: سمر إنتي بتعملى ايه
سمر بهدوء: بساعدهم
عمار بصرامه: بس ده شغلهم وبيخدوا فلوس على كدا تساعديهم ليه
سمر بخجل: علشان انا متعودتش على كدا.
هناء بابتسامه صافيه: خلاص يا حببتى اقعدى هما هيعملوا كل حاجه
جلست سمر بهدوء فستأذن عمار منهم فهو عليه أن يهتم بالشركه في غياب نضال ثم صعد
وبعد صعود عمار
هناء بابتسامه هادئه: أهدى يا حببتى متقلقيش انا مش معارضه ابدا وجودك معانا بالعكس ده انا فرحانه
سمر بخجل وابتسامه ممتنه: شكرا يا طنط هناء بجد شكرا على تقبلك بيا في بيتك.
هناء بابتسامه: ابدا يا حببتى ده بعد كام يوم هيكون بيتك خدى راحتك يا حببتى وانا اسفه على اللى عملوا ابوكى زعلت والله
سمر بحزن وقد بدأت الدموع تتجمع في عينها: هتتأسفى على ايه يا طنط إنتي معملتيش حاجه
هناء بابتسامه وهي تحاول أن تغير مجرى الموضوع: وكمان ايه طنط دى مش انا مقام ماما برضو ولا ايه
سمر بأبتسامه وهي تجفف دموعها: ايوه إنتي ماما شكرا يا ماما هناء.
