هند عاكف.. انا بلبس حاجات غريبة ومش ههين نفسي وليا تاريخ:
يتصدر اسم الفنانة المصرية هند عاكف تريند محركات البحث ومواقع التواصل الاجتماعي فى الساعات الاخيرة.
يرصد التقرير التالي اقوال الفنانة هند عاكف وما دفعها لهذه الاقوال الجريئة فى هذه المرحلة.
تمر الفنانة المصرية بالعديد من المشكلات والازمات جراء مهرجان القاهرة السينمائي.
ذكرت الفنانة هند عاكف بأن عدم حضورها لمهرجان القاهرة السينمائي ليس بسبب عدم وجود دعوات.
وقالت باكية خلال استضافتها في برنامج نص الكلام والتي تقدمه الفنانة راغدة شلهوب والذي يعرض عبر قناة النهار: ينفع الكلام ده لفنانة مصرية بتشتغل من وهي عندها سنتين، انا مش ههين نفسي انا صعبان عليا تاريخي وتاريخ عيلتي والمنظمين عملوا فيا كده.
وتابعت: أنا ليا تاريخ سواء كبير او صغير وليا وضعي وانا مش بعدت عن الفن عشان اتسفح انا كنت بخدم بلدي.
هند عاكف: بعتب على حسين فهمي بسبب اللي حصلي
وأضافت: أنا كنت برفض اعمل شائعات ولازم احترم عائلة عاكف انا شايلة رمز، وأنا بعتب على الاستاذ حسين فهمي لأن المفروض كنت بلغت الادارة والمنظمين ان لو حصل مشكله نحلها ازاي ولو حصل مشكله لو فنانة جايه بيتها المفروض يقولوها اتفضلي عشان نتجنب المشاكل وعشان ده مهرجان بلدنا.
هند عاكف: الفنان يدخل المهرجان قبل البلوجر
وأضافت: كان في عائلات جوا، وكان في بلوجر، و المفروض الفنان يدخل الأول وبعدين البلوجر وميطلعش البلوجر على الريد كاربت وهند عاكف لا، وانا مش رايحه المهرجان عشان اطلع على السجادة وتريند وخلاص انا حضرت الافلام كلها عشان اتعلم واعرف المهرجان بيتعمل ليه .
هند عاكف: أنا ليا تاريخ كبير وابحثوا عني
وتابعت: بشكر الناس اللي كتبت كلام حلو عني وكل جمهوري العريق وبعتب على الناس اللي اتنمرت عليا ومتعرفش تاريخي، أنا اخر عمل ليا كان بطولة مع عزت ابو هعوف واتفرجوا عليه أنا بشتغل وان عندي سنتين وكنت بدرس وبشتغل مسرح وليا، وقبل ما تتنمروا ابحثوا عني واعرفوا تاريخي لانكم بتجرحوني وانا بشر زيي زيكوا .
وقال:الفستان مفيهوش اي إثارة جسدية سميت الفستان أهل الفن وانا حبيته جدا وبعبر فيه عن حبي للفنانين والفستان كان ينفع للمهرجان وانا مش عامله إثارة جسدية ومفيهوش اي إساءة، وطبيعي عايزة أطلع تريند أنا طبيعي بكون عايزه أطلع تريند بس بشكل محترم وشيك يبقى ايه المشكلة.
وكشف هنا أنه لم يتم دعوتها لمهرجان القاهرة السينمائي وقالت: متعزمتش في مهرجان القاهرة السينمائي والمسئولين هما اللي يتسالوا في ده ، وفي فنان بعتلي الدعوة بتاعته عشان احضر المهرجان انا كان معايا دعوة من زميل ليا مش هقول اسمه وهو قالي انا عندي ظروف ومش هروح وهبعتلك دعوة وقالي خديها ومتبلغيش حد، و انا بحمل رسالة فنية من خلال اطلالتي، ولما لبست فرعوني كنت بوصل رسالة، وفي ناس كتير كانت لابسه فساتين مستفزة زي سلمى ابو ضيف وهبة السيسي ومش انا اللي اقيهم بس كانوا لابسن دريسات مثيرة، و أحمد الفيشاوي لابس بدلة البينك ومفيش حد قاله حاجه.
المصدر:وكالات
