تحميل روايه صغيره في قلب صعيدي PDF خالد بالله عليك انا خايفة بلاش الجوازة دي و بعدين أنا مش هعرف أعيش في الصعيد … بالله عليك انا مش عايزاه اتجوز يا خالد و رحمة بابا عندك انا صغيرة
خالد بسخرية :صغيره ايه يا ملاك دا انتي اللي قدك معاهم عيل و اتنين انتي عندك 19سنة يعني مبقتش صغيرة و بطلي دلع ماسخ مش هتفضلي عايشة في اسكندرية طول عمرك و بعدين بلاش رحمه ابويا دي علشان هو عمره ما رحمني و ثانيا متنسيش نفسك انتي بنت مرات ابويا و اهي ربنا رحمها و اخدها و انا بقا مش هفضل مستحمل وجودك و العريس دا مالو وهدومه و عمدة كبير في الصعيد كل البلد بتحكي و تتحكي عنه و عن ماله
طلعت على اوضتها و هي بتعيط و مقهورة لكن وقفت أدام الباب و هي شايفهم كلهم قاعدين في اوضتها.
دخلت و هي بتمسح دموعها و مش فاهمة في ايه
ملاك بصت للحج المحمدي والد جاد بتوتر و لفاطمة و چنا اللي بتبص لها بغل
اتكلمت بتوتر و خوف
-هو في اي؟
المحمدي بصوت عالي و عصبية و هو بيرمي حبوب منع الحمل على الأرض بغضب
:اي دا يا مرات ابني… أنا اللي كنت فاكرك بتحبيه و قلت أخيراً هيعيش بهدوء مع واحدة تفهمه لكن چنا كان عندها حق لما قالت انك بتخدعيه علشان الفلوس… و اهو الحقيقة بانت و انا بنفسي اللي شفتها
الحبوب دي بتاعتك..
ملاك بصت في الأرض
-ايوة بتاعتي و أنا كنت باخد منها…. بس دي حاجة بيني و بين جاد محدش له انه يتد…
المحمدي بحدة و مقاطعه:
-أنتي بتقولي ايه…. جاد كان يعرف المسخرة دي و لا كنتي مستغفله
كلكم صنف كداب….من اول الست چنا لحضرتك انا مش عارف جاد حظه منيل كدا ليه مع الحريم
چنا خافت و حست ان الموضوع هيتقلب عليها بعد ما هي اللي كانت ناوية تقلبها على ملاك و اخذتهم لاوضتها و وريتهم الحبوب لكن دلوقتي!
